BIBSYSa buktagat
BIBSYS Ask | BIBSYS Girjerádjovuogádat | BIBSYS ForskDok | BIBSYS Brage | BIBSYS Neahttauskkádat | BIBSYS Tyr | BIBSYS Galleriija
BIBSYS fállá fága- ja dutkangirjerájuide buktagiid mat beavttálmahttet siskkáldas doaibmama, ja buktagiid mat dahket studeanttaide, dutkiide ja earáide álkibun ávkkástallat girjerájuid resurssaiguin. Dan lassin mii fállat buktagiid dutkanduođašteami várás ja dan várás ahte govvačoakkáldagaid sáhttá rádjat ja daid buvttihit olámuddui.
BIBSYS Ask
BIBSYS Ask lea ohcanreaidu maid buohkat besset geavahit nuvttá. BIBSYS Ask geavahuvvo ohcat dokumeanttaid BIBSYSa diehtovuođuin: Girjerádjodiehtovuođus, ForskDok prentosiin, ForskDok prošeavttain ja BIBSYS Fáddáuskkádagas.
BIBSYS Girjerádjovuogádat
BIBSYS Girjerádjovuogádat fuolaha buot girjeráju siskkáldas dagaldumiid nugo luoikamiid, registreremiid, oastimiid, gihpadárkkistemiid, bušeahttadárkkistemiid, ohcamiid jna.
BIBSYS ForskDok
BIBSYS ForskDok lea dutkanduođašteami vuogádat mii geavahuvvo duođaštit sihke ásahusa ja ovttaskas dutki FoU-doaimma. ForskDok-diehtovuođuin leat dieđut masá 8.000 FoU-prošeavtta birra mat leat čađahuvvomin dahje loahpahuvvon, ja eanet go 230.000 prentosa ja eará FoU-bargguid bohtosat. ForskDok-diehtovuođuin sáhttá ohcat BIBSYS Ask:s.
BIBSYS Brage
Mii fállat BIBSYS Brage reaidun almmuhit ja gaskkustit dutkan- ja studeantabargguid rabas ásahuslaš arkiivvain. BIBSYS Brage lea elektrovnnalaš almmuheami oktasaš vuogádat BIBSYS-oassálastiid ovttastumi (ekonomalaš ovttastumi) várás. Juohke ásahusas mii beassá geavahit BIBSYS Brage, lea iežas ásahusalaš arkiiva.
Čuovvovaš ásahusat leat ožžon sierra BIBSYS Brage instánssa. Das beassá ohcat. Registreren ja hálddašeapmi lea ráddjejuvvon. Geavat iežat ásahusa leaŋkka:
BIBSYS Neahttauskkádat
BIBSYS Ask2
BIBSYS Ask2 sáhttá dutnje addit dieđuid ollu lágideddjiin. Guđe doaimmaid ja ohcangálduid don beasat geavahit sorjá das guđe ásahussii don gulat.
BIBSYS Tyr
BIBSYS Tyr lea visogovva dain e-áigečállagiin, mat leat fidnemis. 37 ásahusa geavahit dan. BIBSYS Tyr čájeha dutnje makkár e-áigečállagiid ja e-girjjiid du ásahus doallá ja mo don daid fidnet. Dan lassin sisttisdoallá BIBSYS Tyr máŋga duhát e-áigečállaga mat leat nuvttá. Guđe áigečállagat mat leat dutnje fidnemis, sorjá das guđe ásahussii don gulat. BIBSYS Tyr addá maiddái vejolašvuođa rádjat iežat persovnnalaš profiilla ja rádjat dieđiheami go ođđa artihkkalat bohtet.
BIBSYS Galleriija
BIBSYS Galleriija lea álkes ja beaktilis reaidu mainna sáhttá rádjat govvačoakkáldagaid Internehttii ja dahkat nu ahte dat leat fidnemis doppe.
